年尾請假去峇里島：用盡聖誕+新年+周末嘅請假攻略

每年去到9、10月，香港打工仔就開始計數：年假仲剩幾多日？點樣配合聖誕同新年紅假先至攞到最長嘅連假？2026年尾嘅日曆其實幾靚——三日公眾假期全部貼住周末，識砌嘅話，用最少年假就砌到一個完整嘅峇里島假期。呢篇文幫你逐個組合拆解，再配返唔同日數嘅行程建議：海灘、火山、Ubud 文青路線一次過講清楚。

2026年尾三日紅假，先睇清楚點樣落

根據政府憲報公佈嘅公眾假期，2026年尾至2027年初同旅行有關嘅紅假有三日：

即係話：12月25至27日（五六日）本身已經連放3日；中間淨返12月28至31日（一至四）四個工作天；跟住1月1至3日（五六日）又係連放3日。你請幾多日假，就決定你個假期有幾長：

成個組合入面最抵嘅係「請4放10」：用4日年假換10日連假，去完7日6夜峇里島，返到香港仲有兩日調整先返工。想我哋幫你對住公司假期表逐日砌？直接嚟傾：

WhatsApp 查詢年尾行程

請1日：4日3夜快閃版（海灘+日落火力全開)

得4日嘅話，唔好貪心周圍走，集中火力喺峇里島南部就啱晒：第一日中午前落機、入住 Kuta 或 Seminyak 一帶；第二日烏魯瓦圖斷崖廟睇日落、接住睇 Kecak 火舞，晚餐去 Jimbaran 沙灘食海鮮；第三日 Melasti 白沙灘玩水上活動，黃昏做返個 spa；第四日執包袱回程。零時差加直航5小時，快閃都唔會攰到仆街。詳細行程、包啲乜同接送安排，可以睇我哋嘅峇里島4日3夜套餐。

請2至3日：5至6日版（加埋火山、梯田同溫泉）

Kintamani 嘅 Penelokan 觀景台：坐低飲杯咖啡，正面就係 Batur 火山同火山湖。

多請一兩日，行程即刻立體好多。北上 Kintamani 高原，喺 Penelokan 觀景台正面望住 Batur 活火山同火山湖食個午餐；夠精力嘅話清晨出發行火山日出 trek，落山浸埋火山溫泉先返酒店。中間仲可以插一日 Ubud 近郊：Tegallalang 梯田、咖啡園試 luwak coffee、Tukad Cepung 洞穴光束瀑布影相。呢個節奏最啱鍾意「海灘唞兩日＋山區玩兩日」嘅朋友，整體規劃可以參考峇里島5日4夜套餐再按你嘅出發日調整。

請4日：7日6夜跨年版（海灘+火山+Ubud 文青一次過）

Jatiluwih 世界遺產級梯田：7日版先有時間慢慢行，唔使打卡完即刻走。

「請4放10」嘅玩法就豪華得多：頭三日南部海灘章節（Uluwatu、Melasti、beach club），中段搬上 Ubud 住兩晚——朝早 yoga、行 Jatiluwih 世界遺產梯田、下晝雨林 spa、夜晚食 farm-to-table，完全係文青充電模式；最後兩晚返落 Seminyak 或 Canggu，12月31日揀間海邊 beach club 倒數，1月1日瞓到自然醒先慢慢食 brunch。跨年夜熱門餐廳同倒數派對位通常10月開始接受訂位，愈遲愈難執位。成條路線我哋已經砌好喺峇里島7日6夜套餐，可以照跟，或者叫我哋執返個你嘅版本。

公司年尾 outing？呢條數仲易計

唔少香港公司年尾都會搞 team building 或者答謝旅行——與其喺香港食自助餐，不如直航5個鐘飛峇里島：villa 包場、團隊活動、歡送晚宴一條龍，人均使費好多時仲平過喺香港搞兩晚。詳情睇峇里島公司旅行套餐，10人以上有專屬報價。

機票酒店幾時落手先唔會捱貴？

年尾係峇里島全年最旺檔期之一，愈早鎖定愈著數。以下係近期市場參考水平（非本站報價）：

※以上為市場參考價（僅供參考，非本站售價），實際豐儉由人；本站套餐一律以 WhatsApp 度身報價為準，USD/HK$ 均可。

• 機票：聖誕新年檔最遲10月中前鎖定，等到11月先撲飛通常貴三至四成。
• 住宿：跨年夜海景房同熱門 villa 係最快清嘅一批，9月已經開始爆，訂得早仲有得揀高層／海景。
• 機場：年尾 Ngurah Rai 機場人流高峰，落機排隊閒閒哋一個鐘——可以加配機場快速通關，專人接你行特快通道。